Gammalnorsk spæl kom til Gryta for å sette farge på saueflokken på 1980 tallet. Den gang heitte det berre farga spæl heromkring og det var heller vanskeleg å få fatt i gode avlsdyr av rasen. Vi kryssa sjeviot søyer med farga spæl værer og fikk fat i nokre få søyer og avla etterkvart videre på desse med nøyaktig prosentdel i margen på noteringsbøkene.
No i 2008 er det berre få sauer igjen av rasen på garden vår på grunn av generell minking på sauebestanden. På det meste hadde vi rundt 60 søyer av rasen på begge gardane til sammen.
Gammalnorsk spæl er ein sosial og triveleg sau. Dei beste eigenskapane er flokkinstinkt og lynne. Det er kjælne dyr som det er lett å bli glad i. GNS fins i både kolla og hornete variant. Vi har etter kvart spesialisert oss på kolla og har berre nokre få hornete for moroskuld. Vi har og prøvd å ta spesielt vare på dei kvite og spraglete GNSsauene sjølv om tyngda ligg på blå og brune og svarte med og uten muflon teikningar og andre avteikn.
Spæl kan delast i mange kattegoriar. Dei vi brukar ved kåring er Kvit spæl, Farga spæl og Gammalnorsk spæl.
Den kvite spælen skal ha berre kvite hår i fellen. Ullkvaliteten skal vere god og ulla skal vere lang. Klauer og nase er som oftast gule og rosa.
Farga spæl kan ha alle fargevariantar, men også her skal ullkvaliteten vere god og ulla skal vere lang. Det finnes kvite dyr innan denne benevninga og. Dei har svarte klauer og snute og er avkom etter to farga individ eller evt eit farga og eit kvitt individ.(dette er en egen påstand kan altså ikkje brukast offentleg.)
Gammalnorsk spæl har alle fargar på individa. Også her skal ullkvaliteten vere nokså god men det skal leggast meir vekt på att det er skikkeleg skille mellom dekkhår og botnull. Ulla skal vere lang og tett. Dyra er noke tettare og mindre en dei andre to typane. Horn er og tillete på både hodyr og hanndyr.
Gennerelt for spælen er lange dekkhår med tett og god botnull. Dei har en dusk i panna og lange tynne, men meget sterke bein. Halen er veldig kort og det er den som har gitt navn til rasen. Spælen er ein rein norsk rase og en del av kulturarven vår.
Flusspata. På beite med caps våren 2007.